April 8, 2014

കൊഴിഞ്ഞുപോയ ചിറകുകള്‍

രാത്രിയെന്നതെനിക്കു പേടിയായിരുന്നു.. എന്നിട്ടും ഈ രാത്രി ഒറ്റയ്ക്ക് നടക്കാന്‍ എനിക്കെങ്ങനെ ദൈര്യം വന്നു എന്നെനിക്കറിയില്ല. ഇരുട്ടില്‍ പലരേയും ഞാന്‍ കണ്ടു,പലതും ഞാന്‍ കണ്ടു പക്ഷേ ഒന്നും എന്നെ ഭയപ്പെടുത്തിയില്ല.ആരും ഭയപ്പെടുത്താനായ് അടുതെത്തിയതുമില്ല. അങ്ങനെ നേരം വെളുത്തു, കുഞ്ഞിക്കുരുവിയും ചക്കിപ്പൂച്ചയും ഇന്നെന്നോടു മിണ്ടിയില്ല. ഇന്ന് എന്‍റെ പൂന്തോട്ടത്തിലെ പൂക്കളൊന്നും വിരിഞ്ഞില്ല..
അതോ ആരെങ്കിലും പറിച്ചുകൊണ്ട് പോയതാണോ? അറിയില്ല... എവിടെയും ഒരു വിഷാദം നിഴലിക്കുന്നു.....
    കടുത്ത മഞ്ഞും മഴയും ഉണ്ടായിരുന്നിട്ടും എനിക്കു തണുപ്പില്ല.. മൂടല്‍മഞ്ഞ് കണ്ണുകളിലും വ്യാപിച്ചു, പിന്നെ ചുറ്റുമുള്ളതൊന്നും ഞാന്‍ കണ്ടില്ല.. സമയം മുന്‍പോട്ടുനീങ്ങി എന്‍റെ യാത്ര തുടര്‍ന്നുകൊണ്ടിരുന്നു. വഴിയില്‍ മുന്‍പുകണ്ട പച്ചപ്പുകളെല്ലാം ഉണങ്ങിക്കരിഞ്ഞിരിക്കുന്നു.  അതില്‍ തീയിടനാകണം ചിലര്‍ തീയുമായി നില്‍ക്കുന്നു... പെട്ടെന്ന് ദൂരെ എവിടെയോ നിന്നും ഒരു പക്ഷിയുടെ കരച്ചില്‍ ഞാന്‍ കേട്ടു. ഞാന്‍ ശബ്ദം
കേട്ടിടത്തേയ്ക്കു നടന്നു.. അപ്പോള്‍ അവിടെ ചില കാട്ടാളന്മാര്‍ ഒരു പാവം പക്ഷിയുടെ ചിറകുകളെല്ലാം മുറിച്ചു കളഞ്ഞതിനു ശേഷം അതിനെ ചുട്ടുതിന്നുന്നു.. ആ പക്ഷിയുടെ കരച്ചില്‍ ആരും കേട്ടില്ല... അതിന്‍റെ കണ്ണുനീര്‍ ആരും കണ്ടില്ല... ദുഷ്ടന്മാരായ കാട്ടാളന്മാര്‍ ആ പക്ഷിയെ ചുട്ടുതിന്നു..... ഉയരങ്ങളില്‍ പറന്നുയരുവാനുള്ള അതിന്‍റെ ചിറകുകള്‍ മുറിച്ചു കളഞ്ഞതെന്തിനെന്നു ആരും അവരോടു ചോദിച്ചില്ല......
             ഞാന്‍ ഞെട്ടിയുണര്‍ന്നു, ചുറ്റുപാടും നോക്കി ആരെയും കാണുന്നില്ല . നേരം നന്നായി വെളുത്തിരിക്കുന്നു.... പക്ഷേ ആ സ്വപ്നം അതെന്നെ വിട്ടു പോകുന്നില്ല... വൈകിയാണെങ്കിലും ഇന്നലെ എത്തുമെന്നു പറഞ്ഞ കൂട്ടുകാരി അവള്‍ ഇതുവരെ എത്തിയിട്ടില്ല .....
അവള്‍ എത്തിയില്ല എന്ന കാര്യം ഹോസ്റ്റല്‍ വാര്ടനെ അറിയിക്കണം.
ഞാന്‍ എഴുന്നേറ്റു പല്ലുതേച്ചു.... ചായകുടിച്ചുകൊണ്ട് പത്രം കൈയിലെടുത്തു... അതില്‍ ആദ്യം കണ്ണില്‍പെട്ട വാര്‍ത്ത‍ വായിച്ചു....
    “ഒരു പെണ്‍കുട്ടിയുടെ അഞ്ജാത ജഡം പുഴക്കരയില്‍”
സ്വപ്നവും യാഥാര്‍ത്ഥ്യവും തമ്മിലുള്ള നേര്‍ത്ത വേര്‍തിരിവ് എനിക്കു തിരിച്ചറിയാന്‍ എനിക്കു സാധിച്ചില്ല .........
എന്‍റെ പ്രിയ കൂട്ടുകാരി നീ എവിടെയാണ്? ഇതാണോ നീ സ്വപ്നത്തില്‍ വന്നെനിക്കു പറഞ്ഞുതന്നത്.........................?

Kasthoori Soman
S3 MCA

No comments:

Post a Comment